स्प्रेडइट महत्वाच्या घडामोडी

महाराष्ट्रातील राज्य सरकारी कर्मचाऱ्यांच्या आज संपाचा चौथा दिवस आहे. जुनी पेन्शन योजना लागू करण्याच्या मागणीसाठी हा संप पुकारण्यात आला आहे. या संपात शाळा, महाविद्यालयांपासून वैद्यकीय कर्मचारीही सहभागी झाले आहेत. त्यामुळे आरोग्य व्यवस्था, शिक्षण व्यवस्था कोलमडली आहे. मात्र असे असतानाही अद्याप या संपावर अजूनही तोडगा निघाला नाही. अशातच सरकार या कर्मचाऱ्यांची मागणी मान्य करणार का? हे पाहणे महत्त्वाचे ठरणार आहे.

पांड्याच्या नेतृत्वात पहिला वनडे खेळणार टीम इंडिया

कसोटी मालिकेनंतर आता भारत आणि ऑस्ट्रेलिया यांच्यात आजपासून वनडे मालिकेला सुरूवात होणार आहे. या मालिकेतील पहिला सामना मुंबईच्या वानखेडे स्टेडियमवर खेळवला जाणार आहे. तीन सामन्यांची ही वनडे मालिका असणार आहे. पहिल्या वनडे सामन्यासाठी रोहित शर्मा उपस्थित नसल्याने हार्दीक पांड्याकडे संघाचे नेतृत्व असेल. दरम्यान, या सामन्याला आज दुपारी 1.30 वाजता सुरुवात होणार आहे.

आता WhatsApp वर मिळवा ब्रेकिंग न्यूज, जॉब अपडेट्स आणि महत्वपूर्ण माहिती! त्यासाठी क्लिक करा आणि जॉईन करा.  https://www.spreaditnow.in