SpreadIt News | Digital Newspaper
Digital Newspaper Marathi Website

वेब सिरीज पाहण्यासाठी रिचार्जची आवश्यकता नाही; ‘इथे’ सर्व गोष्टी आहेत फुकट

सध्या OTT प्लॅटफॉर्मची क्रेझ भारतात वाढताना दिसत आहे. कोरोना महामारीनंतर OTT प्लॅटफॉर्मचा वापर वाढला असल्याचे दिसून आले आहे. भारतात नेटफ्लिक्स, ऍमेझॉन प्राइम, झी 5, सोनी लिव्ह, डिझनी प्लस हॉटस्टार यांसारखे इतर अनेक पेड OTT ऍप्स आहेत. या ऍप्सवर आपण सतत मुव्हीज आणि वेब सिरीजचा आनंद घेऊ शकतो. मात्र, हा आनंद घेण्यासाठी तुम्हाला या ऍपचे सब्स्क्रिप्शन घ्यावे लागेल. मात्र आता मंथली रिचार्जची चिंता सोडा कारण या सर्व गोष्टी आता तुम्हीला फुकटात पाहता येणार आहे. जाणून घ्या या app बाबत थोडक्यात…

वूट (Voot) : फ्री वेब सीरिज, सीरियल आणि इतर कंटेंट पाहण्यासाठी वूट ऍपदेखील उत्तम पर्याय आहे. तुम्हाला Voot ऍप गुगल प्ले स्टोअर आणि ऍप स्टोरवरुन डाउनलोड करता येईल. त्यानंतर या ऍपमध्ये साइन इन करावे लागेल. फ्री असलेला कंटेंट Voot वर अगदी सहजतेने पाहता येईल.

एमएक्स प्लेअर (MX Player) : MX Player अनेक वर्षांपूर्वी ऑफलाइन व्हिडीओ प्लेअर स्वरूपात बाजारात दाखल झालं होतं. त्यानंतर हे ऍप OTT ऍप स्वरूपात बाजारात आले. परंतु हे ऍप पूर्णपणे मोफत आहे. हे ऍप वापरण्यासाठी कोणतेही सब्सक्रिप्शन घेण्याची गरज नाही. या ऍपवर 12 भाषांमध्ये कंटेंट उपलब्ध आहे. यावर अनेक वेब सीरिज, पॉप्युलर सीरियल आणि मूव्हीज पाहता येतात.

जिओ सिनेमा (JioCinema) : Jioचा हा ऍप गुगल प्ले स्टोरवरुन डाउनलोड करता येतो. यावर युजर सिनेमा, टीव्ही सीरिज पाहू शकतात. हे ऍप अगदी मोफत आहे. तसेच, या ऍपवर अनेक भाषांचा कंटेंट उपलब्ध आहे.

तुबी (TUBI) : ज्यांना हॉलिवूड चित्रपटाचा आनंद घ्यायचा असेल, त्यांच्यासाठी Tubi हे ऍप फायदेशीर ठरेल. हे App देखील फ्री अगदी मोफत आहे. Tubi वर अनेक हॉलिवूड मूव्ही पाहता येतात.

प्लेक्स (Plex) : Plex स्ट्रिमिंग सर्विसदेखील फ्रीमध्ये मूव्ही आणि टीव्ही शोज पाहण्याची परवानगी देते. या OTT ऍपवर युजरला 200 हून अधिक लाइव्ह चॅनल्स फ्रीमध्ये पाहता येतात. यात हिंदीमधील अनेक कन्टेन्ट बघायला मिळेल.

Advertisement