सेम टू सेम iPhone 13 सारखा दिसणारा स्मार्टफोन मिळतोय अवघ्या 6 हजारात

मुंबई :

प्रत्येकाला वाटत असते की, आपल्याकडे आयफोन असावा. आयफोन आता स्टेटस सिम्बॉल बनला आहे. तरूणाई तर आयफोनसाठी अगदी वेडी झाली आहे. तरुणाई आणि कॉर्पोरेटमुळेच खरे तर आयफोन स्टेटस सिम्बॉल बनला आहे. आता सेम टू सेम iPhone 13 सारखा दिसणारा एक स्मार्टफोन बाजारात आला आहे. विशेष बाब म्हणजे हा स्मार्टफोन फक्त 5,800 रुपयात मिळत आहे.

LeTV Y1 Pro असे या स्मार्टफोनचे नाव असून नुकताच हा चीनमध्ये लाँच झाला आहे. तुम्हाला जर स्वस्तात आयफोनसारखा फोन खरेदी करायचा असेल तर तुम्हीही LeTV Y1 Pro खरेदी करू शकता. हा एक एंट्री-लेव्हल स्मार्टफोन आहे जो Unisoc T310 SoC सह सुसज्ज आहे, जो 4GB RAM आणि 256GB पर्यंत अंतर्गत स्टोरेजसह जोडलेला आहे. या फोनच्या 4 जीबी रॅम प्लस 32 जीबी रॅम प्लस 32 जीबी इंटरनल स्टोरेजच्या या फोनची किंमत 499 युआन (जवळपास 5 हजार 800 रुपये) 4 जीबी रॅम प्लस 128 जीबी इंटरनल स्टोरेजच्या व्हेरियंटची किंमत 699 युआन (जवळपास 8 हजार 510 रुपये) आहे.

याच्या टॉप व्हेरियंटची म्हणजेच 4 जीबी रॅम प्लस 256 जीबी स्टोरेजच्या फोनची किंमत 899 युआन (म्हणजेच 10 हजार 500 रुपये) आहे. चिनी कंपनीच्या स्मार्टफोनमध्ये ड्युअल रियर कॅमेरा सेटअप आणि सिंगल फ्रंट कॅमेरा आहे. आयफोन 13 प्रमाणे, यात फिंगरप्रिंट सेन्सर नाही, परंतु फेस अनलॉक बायोमेट्रिक वैशिष्ट्यासह येतो. फेस अनलॉक फीचर असलेल्या या फोनला मिडनाइट ब्लॅक, स्टार ब्लू आणि स्टार व्हाइट या कलर ऑप्शन मध्ये लाँच करण्यात आले आहे.

फोटोग्राफीसाठी, LeTV Y1 Pro च्या मागील पॅनलवरील ड्युअल रियर कॅमेरा सेटअपमध्ये 8-मेगापिक्सेल प्राथमिक शूटरसह AI कॅमेरा आहे. फोनच्या पुढील बाजूस सेल्फी आणि व्हिडिओ कॉलसाठी 5 मेगापिक्सेल कॅमेरा आहे. पॉवर बॅकअपसाठी, LeTV Y1 Pro 10 वॉट चार्जिंग सपोर्टसह 4,000 mAh बॅटरीसह येतो.