आता CIBIL SCORE कमी असला तरी टेन्शन नाही! ‘या’ सोप्या पद्धतीने घेऊ शकता पर्सनल लोन

मुंबई – CIBIL SCORE कोणत्याही प्रकारचे लोन घेतांना सिबिल स्कोअर (CIBIL) तसेच क्रेडिट स्कोअर (Credit Score)अतिशय महत्वाची भूमिका बजावते. क्रेडिट स्कोअर जितका चांगला तितका तुमचा सिबिल स्कोअर चांगला असं एक प्रमाण आहे. सिबिल स्कोअर चांगला असेल तर तुम्हाला कर्ज (Loan) लवकरात लवकर मिळण्याची शक्यता अधिक असते. अनेक बँका तसेच फायनान्शिअल संस्था कर्ज देताना सर्वप्रथम सिबिलचा विचार करतात.

बऱ्याचदा योग्य फायनॅन्शिअल प्लॅनिंग (Financial Planning) नसल्याने किंवा इतर काही कारणांमुळे लोन घेण्याची गरज पडते. अशावेळी बँका (Bank)तुमची आर्थिक गरज पूर्ण करू शकतात. प्रत्येकजण आपल्या आर्थिक कुवतीनुसार फायनॅन्शिअल प्लॅनिंग (Financial Planning) करते. फायनॅन्शिअल कंडिशन बेताची असल्यामुळे तसेच अचानकपणे आर्थिक अडचणींचा सामना करावा लागल्याने नागरिकांना लोनचा (Loan) आधार घ्यावा लागतो. मुलांचं शिक्षण, घर बांधणं किंवा गाडी खरेदी करणं, अशा कितीतरी कारणांसाठी लोनची गरज पडते.

बहुतेक नोकरदार देखील पर्सनल लोन (Personal Loan) घेऊन आपल्या मोठ्या गरजा पूर्ण करतात. लोन घेताना प्रत्येक व्यक्तीच्या कानावर सिबिल (CIBIL) स्कोअर हा शब्द पडतो. अर्थात लोन घेण्याच्या प्रोसेसमध्ये उत्तम CIBIL SCORE असण्याला अतिशय जास्त महत्व आहे. कारण, बहुतेक कर्ज देणाऱ्या संस्था तसेच बँका कर्ज घेणाऱ्याचा सिबिल स्कोअर चेक करतात. कर्जरादाचा सिबिल स्कोअर 750 किंवा त्याहून अधिक असायला हवा असं एक प्रमाण आहे. पण, जरी तुमचा सिबिल स्कोअर कमी असला तरी तुम्हाला लोन घेता येऊ शकतं. त्यासाठी काय करणं गरजेचं आहे, याविषयी अधिक माहिती घेवू.

सुरुवातीला कमी कर्ज घ्या

तुमच्या क्रेडिटची पात्रता ही तुमच्या सिबिल स्कोअरवरून ठरते. स्कोअर चांगला नसेल तर तुम्हाला लोन मिळण्याची शक्यता कमी होते; मात्र, आता अनेक बँका किंवा कर्ज देणाऱ्या संस्था सिबिल स्कोअर कमी असला तरी कमी रकमेचं लोन (Small Amount Loan) देतात. त्यामुळे तुम्हाला कमी रकमेचं लोन मिळू शकतं. जर तुम्ही वेळेवर पैसे भरले तर तुमच्या सिबिल स्कोअरमध्ये देखील सुधारणा होईल. त्यानंतर तुम्ही मोठ्या रकमेचं लोन घेऊ शकता.

जॉईंट लोन किंवा गॅरेंटरसह लोन (Joint Loan)

तुमचा सिबिल स्कोअर चांगला असावा अशी तुमच्या करदात्याच्या अपेक्षा असते. मात्र, तो कमी असल्यास आणि तुम्ही कर्जदात्याची अपेक्षा पूर्ण करू शकत नाही. त्या केसमध्ये तुम्ही गॅरेंटरसह (Guarantor) म्हणजेच जामीनदारासह अर्ज करून कर्ज घेऊ शकता. अशा स्थितीमध्ये कर्ज देणारी संस्था अर्जदाराचा सिबिल स्कोअर आणि क्रेडिट प्रोफाईल (Credit profile) दोन्ही विचारात घेते. त्यामुळे, चांगल्या क्रेडिट प्रोफाईलसह आणि स्थिर उत्पन्न असलेल्या जमीनदारासह अर्ज केल्यास लोन मंजूर होण्याची शक्यता खूप वाढते. अशाप्रकारे जर तुम्हाला मोठ्या रकमेची गरज असेल आणि तुमचा सिबिल स्कोअर पुरेसा नसेल, तर तुम्ही नातेवाईकांची किंवा मित्रांची गॅरेंटर म्हणून मदत घेऊ शकता.

कर्जाच्या परतफेडीची खात्री द्या –

पर्सनल लोन देताना, कर्ज देणाऱ्या संस्थेला तुमच्या परतफेडीच्या क्षमतेवर विश्वास असणं गरजेचं आहे. पर्सनल लोन हे असुरक्षित लोन असल्यानं कर्ज देणारी संस्था तुमच्या आर्थिक क्षमतांचं मूल्यांकन करण्यासाठी तुमच्या सिबिल स्कोअरवर आणि तुमच्या फायनॅन्शिअल डॉक्युमेंट्सवर अवलंबून असते. खरं तर काही व्यक्तींचा सिबिल स्कोअर कमी असू शकतो; पण त्या व्यक्तीच्या कमाईतून (Earnings) किंवा पगारातून (Salary) कर्जाचे हप्ते फेडले जाऊ शकतील याची खात्री जर कर्ज देणाऱ्या बँकेला पटली तर तशा व्यक्तीचं प्रकरण बँक कर्ज देण्यासाठी विचारात घेऊ शकते. त्यामुळे, तुमचा सिबिल स्कोअर कमी असेल तर तुम्ही तुमचं उत्पन्न आणि उत्पन्नाचे कोणतेही अतिरिक्त स्रोत (Income Source) उघड करू शकता. त्याच्या माध्यमातून तुम्ही कर्ज देणाऱ्या संस्थेला कर्जाची परतफेड करण्याची खात्री देऊ शकता.