धक्कादायक! एकामागून एक 13 जणांशी लग्न करून थाटला संसार; नवरदेवाचं घरदार लुटून झाली पसार

खान्देशातून एका सोनू शिंदे नावाच्या तरुणीने आतापर्यंत तब्बल 13 तरुणांना फसवलं असून त्यांच्याशी लग्नाचं नाटक केलं आणि त्यांना चांगलंच लुटून पळून गेली आहे. विनोदाचा भाग असा की, ‘सोनू, तुझा माझ्यावर भरोसा नाय का?’, हे गाणं आपण सगळ्यांनी ऐकलंय.

आता माहीती मिळाली आहे की, खान्देशात या करामती सोनू शिंदे नावाच्या तरुणीला अटक करण्यात पोलिसांना यश आलंय. या सोनूने तब्बल 13 मुलांना फसवलं. तिने आजवर तेरा जणांशी लग्न केलं होतं, त्यानंतर त्यांची फसवणूक करत लुटून पळ काढला. विशेष म्हणजे ती एकटी नाही तर तिला साथ देण्यासाठी तिची एक मोठी टोळीच आहे, असं कळालं आहे.

‘सोनू’चं सविस्तर प्रकरण…

हिंगोली आणि अकोला येथील ‘सोनू शिंदे’ ही टोळी असल्याची माहिती पोलिसांनी तपास केला असता समोर आली आहे. अनेक तरुणांसोबत लग्न जुळवण्यासाठी ही टोळी विविध शहरांमधील दलालांची मदत घ्यायची आणि लग्न करण्याचातरुण गळाला लावायची. यावेळी तिने नंदुरबारात एका कुटुंबाला फसवलं तेव्हा तिला या कामात औरंगाबादच्या एका दलालाने मदत केल्याचं समजतंय. हा सगळा प्रकार आता उघड झाला आहे.

सोनू शिंदे या तरुणीने दोन आठवड्यांपूर्वी नंदुरबार जिल्ह्यातील शहादा तालुक्यातल्या मंदाणे येथील एका तरुणाशी लग्न केलं. या कामात औरंगाबादमधील दलालाने मदत केली. या लग्नासाठी वधू पक्षाकडून लाखांमध्ये मागणी झाली होती. तरुणांच्या कुटुंबियांनी वधू पक्षाला पैसेही दिले. पण नंतर व्हायचं ते झालंच, लग्नानंतर नवी नवरी नांदलीच नाही, ती पळून गेली

सोनू शिंदे टोळीला पोलिसांनी पकडलं…

घरात नवी नवरी आल्याने वातावरण खुश होतं. अचानक पळून गेल्यानंतर संबंधित कुटुंबाला मोठा झटका बसला. या पार्टीला आपण लुबाडलो गेलो, लुटलो गेलो जाणीव झाली. त्यांनी तातडीने पोलिसात तक्रार केली. पोलिसांनी याप्रकरणी गुन्हा दाखल केला आणि तपासाला सुरुवात केली.

अखेर पोलिसांना सोनू शिंदे नावाची तरुणी सिंदखेडा तालुक्यातील एका तरुणाशी 13 वं लग्न करणार असल्याची बातमी मिळाली. पोलीस आपला तपास करत असल्याचा सुगाला या टोळीला लागला. त्यांनी थेट विवाहस्थळ बदललं. मग हे लग्न नंतर अमळनेर तालुकत्यातील ग्रामीण भागात करण्याचं ठरलं.

पोलिसांनी अगदीच वेळेवर म्हणजे लग्न लागणार होतंच त्याआधीच लग्न मंडपातून सोनू शिंदे टोळीला जेरबंद केलं. पोलिसांनी वेळेवर जाऊन लग्न मंडपातून सोनू शिंदे टोळीला अटक केली. पोलिसांच्या कारवाईचा सुगावा लागताच नवरीची आई आणि भाऊ पळून जाण्यात यशस्वी ठरले. पोलीस त्यांचा शोध घेत आहेत; पण वधू सोनू पकडली गेली आहे.

➖➖➖➖➖➖➖➖➖➖➖
🎯 तमाम महाराष्ट्राला व्हॉट्सॲपवर न्यूज अपडेट्स पुरवणारे ‘स्प्रेडइट – डिजिटल न्यूजपेपर’ नक्की जॉईन करा 👉https://cutt.ly/Spreadit4u