SpreadIt News | Digital Newspaper

नाशिककरांची प्रतीक्षा संपणार मेट्रो निओ प्रकल्पाला मान्यता…

0

मेट्रो निओ प्रकल्पावर मान्यतेची मोहोर उमटल्यानंतर बुधवारी केंद्र सरकारच्या केंद्रीय अर्थमंत्रालयाच्या अखत्यारीत येणाऱ्या पब्लिक इन्व्हेस्टमेंट बोर्डानेही (पीआयबी) प्रकल्पाला हिरवा कंदील दाखविला आहे. त्यामुळे लवकरच या प्रकल्पाला केंद्राची अंतिम मंजुरी मिळणार असल्याने या प्रकल्पातील सर्व अडथळे आता दूर झाले आहेत. त्यामुळे लवकरच आता या प्रकल्पाचे काम सुरू होणार असल्याने मेट्रो निओ प्रकल्पासाठीची नाशिककरांची प्रतीक्षा संपणार आहे.

केंद्र, राज्य सरकार, सिडको आणि नाशिक महापालिकेच्या संयुक्त प्रयत्नातून नाशिक शहरासाठी 33 किमीचा मेट्रो निओ मार्ग बनविण्यात येणार आहे. गंगापूर ते मुंबई नाका आणि गंगापूर ते नाशिक रेल्वेस्थानक अशा 33 किमीच्या दोन मार्गिकांमध्ये एकूण 30 स्थानके असतील. मेट्रो निओ प्रकल्प नावीन्यपूर्ण अशा रबर टायर बस वापरून जलद प्रवासाची सुविधा देण्यात येणार आहे. रबर टायर बस ओव्हरहेड इलेक्ट्रीकद्वारा चालविण्यात येतील. संपूर्ण 33 किमीची मार्गिका उन्नत असेल. त्यामुळे शहरातून या बस विनासायास व जलदगतीने प्रवास करू शकतील.

Advertisement

फेब्रुवारीत केंद्रीय अर्थसंकल्पात नाशिक ‘मेट्रो निओ’ला मंजुरी देताना 2092 कोटींची तरतूद करण्यात आली. त्यानंतर राज्य सरकारने तीन आठवड्यांपूर्वी राज्याचा अर्थसंकल्प सादर करताना 2100 कोटींचा राज्य सरकारचा आर्थिक वाटा देण्याची घोषणा केल्यानंतर मेट्रो निओचे काम कधी सुरू होईल, याची उत्सुकता नाशिककरांना लागली होती. गेल्या आठवड्यात महामेट्रोचे सरव्यवस्थापक हेमंत सोनवणे यांनी महापालिका आयुक्त कैलास जाधव यांच्याशी प्राथमिक चर्चा केली, तर बुधवारी (दि.24) केंद्र सरकारच्या केंद्रीय अर्थमंत्रालयाच्या अखत्यारीत येणाऱ्या पब्लिक इन्व्हेस्टमेंट बोर्डाने (पीआयबी) प्रकल्पाला हिरवा कंदील दाखविल्याने प्रकल्पाचा मार्ग मोकळा झाला आहे.

केंद्राच्या आवास आणि शहरी कार्यमंत्रालयाचे सचिव दुर्गाशंकर मिश्रा, महामेट्रोचे महासंचालक डॉ. ब्रिजेश दीक्षित यांनी सांगितले, की महामेट्रोच्या अधिकारी वर्गाला कामाची रूपरेषा तयार करून काम सुरू करण्याच्या सूचना संबंधितांना दिल्या आहेत. त्यामुळे आता प्रत्यक्ष कामाला सुरुवात होणार आहे.

Advertisement

मेट्रोचे कोच वातानुकूलित

शहराची प्रवासीसंख्या लक्षात घेऊन या प्रकारचा नावीन्यपूर्ण मेट्रो निओ प्रकल्प योजण्यात आला आहे. मेट्रो निओ हा इतर शहरांत असणाऱ्या मेट्रोइतकाच आरामदायी, सुरक्षित, पर्यावरणपूरक आणि जलद प्रवास असेल. मेट्रो निओचे कोच हे इतर मेट्रोच्या कोचसारखेच वातानूकुलित आहेत. भारतात अशा प्रकारचा प्रकल्प प्रथमच साकारत असून, नाशिकचे नाव जगभरात प्रसिद्ध होणार आहे.

Advertisement

➖➖➖➖➖➖➖➖➖➖➖
💁🏻‍♀️ ब्रेकिंग आता WhatsApp वर मिळवा ताज्या बातम्या, जॉब अपडेट्स आणि माहिती मनोरंजन🆓 त्यासाठी क्लिक करा 👉 https://cutt.ly/FollowSpreadit

Advertisement